സ്റ്റൈൽ മന്നന് ഇന്ന് പിറന്നാൾ; ‘പേട്ട’യുടെ പുതിയ ടീസർ പങ്കുവെച്ച് അണിയറപ്രവർത്തകർ
സിനിമാപ്രേമികളുടെ സ്‌റ്റൈല്‍ മന്നന് രജനീകാന്തിന് ഇന്ന് പിറന്നാൾ. പിറന്നാൾ ദിനത്തിൽ താരത്തിന്റെ പുതിയ ചിത്രം പേട്ടയുടെ ടീസർ പങ്കുവെച്ച് അണിയറപ്രവർത്തകർ. കാര്‍ത്തിക് സുബ്ബരാജാണ് പേട്ട എന്ന ചിത്രത്തിന്റെ സംവിധായകന്‍.
സ്‌റ്റൈല്‍ മന്നന് എന്ന ആരാധകരുടെ വിളിപ്പേരുപോലെ തന്നെ കിടിലന്‍ സ്‌റ്റൈലന്‍ ലുക്കിലാണ് പേട്ടയുടെ ഓരോ പോസ്റ്ററിലും രജനീകാന്ത് പ്രത്യക്ഷപ്പെട്ടിരിക്കുന്നത്. ചിത്രത്തിൽ നായികമാരായി എത്തുന്നത് സിമ്രാനും തൃഷയുമാണ്. ഇരുവർക്കുമൊപ്പം രജനികാന്ത് എത്തുന്ന ചിത്രങ്ങൾ സമൂഹ മാധ്യമങ്ങൾ ഏറ്റെടുത്തിരുന്നു.
തൃഷയ്‌ക്കൊപ്പം എത്തുന്ന പോസ്റ്ററിൽ നാടൻ തമിഴ് ലുക്കിലാണ് രജനി കാന്ത് എത്തുന്നത്. അതേസമയം സിമ്രാനൊപ്പം രജനി എത്തുന്ന കഴിഞ്ഞ ദിവസം പുറത്തുവിട്ട പോസ്റ്ററുകളിൽ മോഡേൺ ലുക്കിലാണ് രജനി കാന്ത് പ്രത്യക്ഷപ്പെട്ടത്. സിമ്രാന്‍ രജനീകാന്തിനൊപ്പം അഭിനയിക്കുന്ന ആദ്യ ചിത്രം എന്ന പ്രത്യേകതയും ചിത്രത്തിനുണ്ട്.
ബോളിവുഡ് താരം നവാസുദീന്‍ സിദ്ധിഖി ചിത്രത്തില്‍ വില്ലന്‍ വേഷത്തിലെത്തുന്നുണ്ട്. മോഷന്‍ രൂപത്തിലുള്ള പേട്ടയുടെ ഫസ്റ്റ് ലുക്ക് പോസ്റ്ററിന് നേരത്തെ പ്രേക്ഷകരില്‍ നിന്നും മികച്ച പ്രതികരണമാണ് ലഭിച്ചിരുന്നത്.
Read also: ഇത് മരണമാസല്ല, അതുക്കും മേലെ; ‘പേട്ട’യിലെ പുതിയ ഗാനം കാണാം..
യുവസംവിധായകനായ കാര്‍ത്തിക് സുബ്ബരാജ് തന്നെയാണ് ചിത്രത്തിന്റെ തിരക്കഥയും ഒരുക്കിയിരിക്കുന്നത്. സണ്‍ പിക്‌ചേഴ്‌സിന്റെ ബാനറില്‍ കലാനിധി മാരനാണ് നിര്‍മ്മാണം. അനിരുദ്ധ് രവിചന്ദര്‍ സംഗീതവും തിരു ക്യാമറയും നിര്‍വഹിക്കുന്നു. സിമ്രാന്‍, തൃഷ, വിജയ് സേതുപതി. ബോബി സിംഹ, മാളവിക മേനോന്‍ തുടങ്ങിയവരാണ് ചിത്രത്തില്‍ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. പേട്ടയ്ക്കുവേണ്ടി ആകാംഷയോടെ കാത്തിരിക്കുകയാണ് ആരാധകര്‍.
Here it is!! #Petta official teaser
Happy birthday Thalaivaaaaaa!!https://t.co/JGJo2cBuFb@sunpictures #PettaBirthdayTrEAtSER #HBDSuperstarRajinikanth
— karthik subbaraj (@karthiksubbaraj) 12 December 2018
