ശ്രദ്ധേയമായ് മാസ്‌കിലെ പുതിയ വീഡിയോ ഗാനം

ചലച്ചിത്ര ആസ്വാദകര്‍ക്കിടയില്‍ ശ്രദ്ധേയമാവുകയാണ് ‘മാസ്‌ക്’ എന്ന ചിത്രത്തിലെ പുതിയ വീഡിയോ ഗാനം. ‘വാര്‍ വിധുമുഖീ…’ എന്നു തുടങ്ങുന്ന ഗാനമാണ് അണിയറപ്രവര്‍ത്തകര്‍ പുറത്തുവിട്ടിരിക്കുന്നത്. ബികെ ഹരിനാരായണന്റേതാണ് ഗാനത്തിലെ വരികള്‍. യാസിന്‍ നിസാര്‍ ആണ് ആലാപനം.

അടുത്തിടെ പുറത്തിറങ്ങിയ മാസ്‌കിന്റെ ട്രെയ്‌ലറും ഏറെ ശ്രദ്ധ നേടിയിരുന്നു. മലയാളികള്‍ പണ്ടേയ്ക്ക് പണ്ടെ ഏറ്റെടുത്തതാണ് മലയാളത്തിന്റെ പ്രിയാരം വിജയ് രാഘവന്റെ റാംജിറാവു എന്ന കഥാപാത്രത്തെ. ഈ കഥാപാത്രം വീണ്ടും വെള്ളിത്തിരയിലെത്തുന്നു. മാസ്‌ക് എന്ന ചിത്രത്തിലാണ് പ്രേക്ഷകരുടെ ഇഷ്ടതാരം റാംജിറാവു വീണ്ടുമെത്തുന്നത്.

ഷൈന്‍ ടോം ചാക്കോയും വിനോദുമാണ് മാസ്‌ക് എന്ന ചിത്രത്തില്‍ കേന്ദ്ര കഥാപാത്രമായെത്തുന്നത്. ചെഗുവേരയെ അനുസ്മരിപ്പിക്കുന്ന തരത്തില്‍ സലീം കുമാറും ചിത്രത്തിലെത്തുന്നുണ്ട്,

സുനില്‍ ഹനീഫ് ആണ് ചിത്രത്തിന്റെ സംവിധാനം നിര്‍വ്വഹിക്കുന്നത്. കള്ളന്മാരുടെ കഥയാണ് ചിത്രത്തിന്റെ മുഖ്യ പ്രമേയം. ഗോപി സുന്ദറാണ് ചിത്രത്തിന്റെ സംഗീത സംവിധാനം നിര്‍വ്വഹിക്കുന്നത്. എഎസ് ഗിരീഷ് ലാലാണ് ചിത്രത്തിന്റെ നിര്‍മ്മാണം.

🔥 സമൂഹ മാധ്യമങ്ങളിൽ തരം​ഗം സൃഷ്ടിച്ച വൈറൽ വ്ലോ​ഗർമാരെ തേടി ട്വന്റിഫോറിന്റെ സോഷ്യൽ മീഡിയ അവാർഡ്. ഇഷ്ട വ്ലോ​ഗർമാരെ പ്രേക്ഷകർക്ക് തെരഞ്ഞെടുക്കാം.

വോട്ട് ചെയ്യാൻ ഇവിടെ ക്ലിക്ക് ചെയ്യുക.