മഹാപ്രളയത്തിന്‍റെ ഓര്‍മ്മപ്പെടുത്തലുകളുമായി ‘മൂന്നാം പ്രളയം’ ഒരുങ്ങുന്നു: കാരക്ടര്‍ പോസ്റ്ററുകള്‍

മഹാപ്രളയം കേരളത്തെ ഒന്നാകെ നൊമ്പരപ്പെടുത്തിയിട്ട് ഒരു വര്‍ഷത്തോളമാകുന്നു. നെഞ്ച് പൊള്ളുന്ന ഒരു വിങ്ങലോടെയല്ലാതെ കേരളക്കരയ്ക്ക് പ്രളയ കാലത്തെ ഓര്‍ക്കാനാവില്ല. പ്രളയം പ്രമേയമാക്കി ഒരുങ്ങുന്ന പുതിയ ചിത്രമാണ് മൂന്നാം പ്രളയം. സാമൂഹ്യമാധ്യമങ്ങളില്‍ ശ്രദ്ധ നേടുകയാണ് ചിത്രത്തിന്റെ കാരക്ടര്‍ പോസ്റ്ററുകള്‍. നിരവധി താരങ്ങള്‍ ചിത്രത്തില്‍ അണിനിരക്കുന്നുണ്ട്. അതേസമയം പ്രളയ കാലത്തിന്റെ ഓര്‍മ്മപ്പെടുത്തലുകളുമായി ചിത്രത്തിന്റെ ട്രെയ്‌ലര്‍ അടുത്തിടെ പുറത്തെത്തിയിരുന്നു.

നവാഗതനായ രതീഷ് രാജു ആണ് മൂന്നാം പ്രളയം എന്ന സിനിമയുടെ സംവിധാനം നിര്‍വ്വഹിക്കുന്നത്. അഷ്‌കര്‍ സൗദാനാണ് ചിത്രത്തില്‍ നായക കഥാപാത്രത്തെ അവതരിപ്പിക്കുന്നത്. സായ്കുമാര്‍, അനില്‍ മുരളി, അരിസ്റ്റോ സുരേഷ്, സദാനന്ദന്‍ ചേപ്പറ
മ്പ്‌ തുടങ്ങി നിരവധി താരങ്ങള്‍ മൂന്നാം പ്രളയം എന്ന സിനിമയില്‍ അണിനിരക്കുന്നുണ്ട്. കല്ലാര്‍ക്കുട്ടി ഡാമിലാണ് ചിത്രത്തിന്റെ ക്ലൈമാക്‌സ് രംഗങ്ങള്‍ ചിത്രീകരിച്ചത്.

Read more:”പന്നിയല്ല, ഭാര്യ പത്‌നി”; മകന്‍ ആദിയെ മലയാളം പഠിപ്പിച്ച് ജയസൂര്യ: ചിരിവീഡിയോ

ചിത്രത്തിന്റേതായി പുറത്തിറങ്ങിയ ട്രെയ്‌ലറില്‍ പ്രളകാലത്തിന്റെ പച്ചയായ ഓര്‍മ്മകള്‍ പ്രതിഫലിക്കുന്നുണ്ട്. നയാഗ്ര മൂവീസിന്റെ ബാനറില്‍ ദേവസ്യ കുര്യാക്കോസ് ആണ് മൂന്നാം പ്രളയം എന്ന ചിത്രത്തിന്റെ നിര്‍മ്മാണം. റസാഖ് കുന്നത്താണ് ഛായാഗ്രാഹണം നിര്‍വ്വഹിക്കുന്നത്. രഘുപതി സിനിമയ്ക്കായി സംഗീതം ഒരുക്കുന്നു.

മൂന്നാം പ്രളയം എന്ന സിനിമയുടെ കാരക്ടര്‍ പോസ്റ്ററുകള്‍