‘അബ്രഹാമിന്റെ സന്തതികൾ’ ; ട്രെയ്‌ലർ ഇന്നിറങ്ങും
നവാഗത സംവിധായകൻ ഷാജി പാടൂർ സംവിധാനം ചെയ്യുന്ന മമ്മൂട്ടി ചിത്രം അബ്രഹാമിന്റെ സന്തതികളുടെ ട്രെയ്‌ലർ ഇന്നിറങ്ങും. കൊച്ചി ലുലു മാളിൽ ഇന്ന് ഏഴ് മണിക്ക് നടക്കുന്ന ചടങ്ങിലാണ് ചിത്രത്തിന്റെ ട്രെയ്‌ലർ ലോഞ്ചിങ്. മലയാള സിനിമാ സംവിധായകൻ ജോഷിയാണ് ചടങ്ങിൽ മുഖ്യാതിഥിയായി എത്തുന്നത്.
ഡെറിക്ക് എബ്രഹാം എന്ന പൊലീസുകാരന്റെ കഥാപാത്രത്തെയാണ് മമ്മൂട്ടി അവതരിപ്പിക്കുന്നത്. കനിഹ, സിദ്ദിഖ്, രഞ്ജി പണിക്കർ, അൻസൻ പോൾ, തരൂഷി, ശ്യാമപ്രസാദ്, സുരേഷ് കൃഷ്ണ, കലാഭവൻ ഷാജോൺ തുടങ്ങിയവരും ചിത്രത്തിൽ പ്രധാന കഥാപാത്രങ്ങളായി എത്തുന്നുണ്ട് . ദി ഗ്രേറ്റ് ഫാദർ എന്ന മമ്മൂട്ടി ചിത്രത്തിന്റെ തിരക്കഥ തയാറാക്കിയ ഫനീഫ് അഥേനിയാണ് ചിത്രത്തിനും തിരക്കഥ ഒരുക്കിയിരിക്കുന്നത്. ഗുഡ്‌വിൽ എന്റർടൈൻമെൻറ്സിന്റെ ബാനറിൽ ജോബി ജോർജാണ് അബ്രഹാമിന്റ് സന്തതികൾ നിർമ്മിക്കുന്നത്.
ശ്രേയ ജയദിപ് ആലപിച്ച ചിത്രത്തലെ ഗാനം നേരത്തെ സോഷ്യൽ മീഡിയയിൻ തരംഗമായിരുന്നു. റഫീക്ക് അഹമ്മദിന്റെ വരികൾക്ക് ഗോപി സുന്ദറാണ് ഈണം നൽകിയിക്കുന്നത്.
