കള്ളക്കഥക്കാരായി ഒരു കൂട്ടം ചെറുപ്പക്കാർ; ‘കിനാവള്ളി’യിലെ ആദ്യ ഗാനം കാണാം..

‘ശിക്കാരി ശംഭു’, ‘ഓർഡിനറി’ തുടങ്ങിയ ചിത്രങ്ങൾക്ക് ശേഷം  സുഗീത് സംവിധായക വേഷത്തിലെത്തുന്ന ചിത്രമാണ് ‘കിനാവള്ളി’. നിരവധി പുതുമുഖങ്ങളെ മലയാള സിനിമയ്ക്ക് സംഭാവന ചെയ്യുന്ന സംവിധായകന്റെ  ഹൊറർ ചിത്രമാണ് ‘കിനാവള്ളി’. ചിത്രത്തിലെ ആദ്യ ഗാനമാണ് ഇപ്പോൾ  പുറത്തിറങ്ങിയിരിക്കുന്നത്. കള്ളക്കഥക്കാരാണേ.. എന്ന് തുടങ്ങുന്ന ഗാനം ആലപിച്ചിരിക്കുന്നത് റംഷിയും റഫീഖ് റഹ്മാനും ചേർന്നാണ്. നിഷാദ് അഹമ്മദിന്റ വരികൾക്ക് ശശ്വന്താണ് സംഗീതം നൽകിയിരിക്കുന്നത്.

ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നത് പുതുമുഖങ്ങളായ സുരഭി സന്തോഷ്, അജ്മല്‍ സെയ്ന്‍, വിജയ് ജോണി, സുജിത്ത് രാജ് കൊച്ചുകുഞ്ഞ് എന്നിവരാണ്. സിനിമയിൽ  ഹരീഷ് കണാരനും നിര്‍ണായകമായ വേഷത്തില്‍ എത്തുന്നുണ്ട്. ശ്യാം ശീതള്‍, വിഷ്ണു രാമചന്ദ്രന്‍ കൂട്ടുകെട്ടിലാണ് കിനാവള്ളിയുടെ തിരക്കഥ ഒരുങ്ങിയിരിക്കുന്നത്.

സമ്മർ വെക്കേഷൻ ആസ്വദിക്കാനെത്തുന്ന ദമ്പതികളെയും ഒരു കൂട്ടം ചെറുപ്പക്കാരെയും ചുറ്റിപ്പറ്റിയാണ് ചിത്രം. പ്രേത ബാധയുള്ള  ഒരു ബംഗ്ലാവിൽ താമസിക്കുന്ന ഈ ചെറുപ്പക്കാർ നേരിടുന്ന പ്രശ്നങ്ങളാണ് ചിത്രത്തിൽ പറയുന്നത്. സൂരജ് എസ്  കുമാർ പശ്ചാത്തല സംഗീതം നിർവഹിക്കുന്ന ചിത്രത്തിന് എഡിറ്റിംഗ് ചെയ്തിരിക്കുന്നത് നവീൻ വിജയ് ആണ്. ചിത്രത്തിന്റെ ക്യാമറ കൈകാര്യം ചെയ്തിരിക്കുന്നത് വിവേക് മേനോനാണ്. ബേസ്ഡ് ഓണ്‍ എ ഫെയ്ക്ക് സ്റ്റോറി എന്നാണ് ചിത്രത്തിന്റെ ടാഗ് ലൈൻ. ഈ മാസം 27ന് ചിത്രം തീയറ്ററുകളിലെത്തും.

🔥 സമൂഹ മാധ്യമങ്ങളിൽ തരം​ഗം സൃഷ്ടിച്ച വൈറൽ വ്ലോ​ഗർമാരെ തേടി ട്വന്റിഫോറിന്റെ സോഷ്യൽ മീഡിയ അവാർഡ്. ഇഷ്ട വ്ലോ​ഗർമാരെ പ്രേക്ഷകർക്ക് തെരഞ്ഞെടുക്കാം.

വോട്ട് ചെയ്യാൻ ഇവിടെ ക്ലിക്ക് ചെയ്യുക.